മിന്നലൊളി പോലെ
-------
മാനത്തൊളി മിന്നി മാഞ്ഞപോലെ
മണ്ണില് സുഗന്ധിപ്പൂ വീണപോലെ
അനുപമയാണവർ ഹഫ്സ ബീവി
ഹൃദയങ്ങൾ തൊട്ടറിയുന്ന പൂവി..
പരിമളം തൂകുന്ന പൂവുപോലെ
തൊട്ടു തലോടുന്ന തെന്നല് പോലെ
വാടികളിൽ ചിത്ര ശലഭം പോലെ
തൊടികളില് മൂളുന്ന പാട്ടുപോലെ
കരളില് കുളിരേകും മൊഴി നുകരാൻ
കണ്ണും കാതും നിറയും കവിത പെയ്യാൻ
മഹിളകൾ മഹതിക്ക് ചുറ്റും കൂടി
മഹിതമാം ധാരയില് ഒരുമിച്ചു കൂടി.
കാലത്തിൻ കഥയോര്ക്കും കാവല് പുരയില്
കനകക്കിനാവിന് കൂടാരം പോലെ
ചേലൊത്ത പോലേയൊരുക്കി കൂട്ടി
ചിറകും വിരിച്ച് പറന്നു പോയി...
കൂട്ടില് പൊഴിച്ചിട്ട പൊന് തൂവലില്
കണ്ണിമ വെട്ടാതെ നോക്കി നില്ക്കേ
കാണുന്നു കൗതുക കാഴ്ച മാത്രം
കേള്ക്കാം ഗതകാല നന്മമാത്രം
ആരും കൊതിച്ചു പോകുന്ന ഭാവം
ആര്ക്കും കഥിച്ചു തീരാത്ത പാഠം
മായാത്ത മുദ്രകള് തീര്ത്ത് മെല്ലെ
മാനത്തുയര്ന്നു പറന്നു ചെമ്മേ..
==========
അബ്ദു റഹ്മാന് മാഷ്
പാടൂര്
============
